475
Сібір жарасы ауруын жұқтырған Түлкібас ауданының тұрғыны қазір ауруханада, тиісті емін алып жатыр. Оның диагнозы зертханалық тексерулер нәтижесінде расталып отыр, -дейді мамандар. Түркістан облыстық санитариялық-эпидемиологиялық бақылау департаментіндегілер қауіпті індеттің жылқы етінен жұққанын айтуда. Жас жігіт Жамбыл облысынан 20 келі ет алып келіпті. Одан ауыз тиген тағы екі адамда осы кесел бар. Олар Ақмола мен Тараз қаласының тұрғындары, деді департаменттің баспасөз хатшысы Ардақ Берден.
Былтыр Түркістан облысында сібір жарасының жеті жағдайы анықталған. Биылғы жылы тіркелген бұл алғашқы дерек.
