341
Түркістан облысындағы Ордабасы ауданында кезекті мал ұрлығы қылмысы орын алды. Жергілікті тұрғынның айтуынша, жайылып жүрген 600-ден астам бас қойының ішінен 3-еуін белгісіз біреулер ұрлап кеткен. Аталған жайтты полиция қызметкерлері ҚР ҚК-нің 188-1-бабы «Мал ұрлығы» бойынша тіркеуге алды.
Түркістан облыстық Полиция департаментінің мәліметінше, барымташылар мал ұрлап кетіп бара жатып жол апатына ұшыраған. Олар қарсы бағытта келе жатқан «Мерседес» маркалы автокөлікпен соқтығысқан. Жас жігіттер ауруханаға жеткізілген.
«4 күдікті жігіт анықталды. Қазіргі таңда оларға қатысты сотқа дейінгі тергеу амалдары жүргізілуде. Көлік автотұраққа қойылып, 3 қой иесіне қайтарылды» деп атап өтті ведомстводан.
