246
Жетісу облысында жол-көлік апатынан бір адам қаза тауып, екі жолаушы жарақаттанды. Оқиға қазанның 30-нан 31-іне қараған түні Калпе ауылының маңында болған. ІІМ–нің Telegram-каналының жазуынша, Mazda Cronos автокөлігі Тельман — Калпе автожолының 8-ші шақырымында аударылып кеткен. Көлікті басқарған 31 жастағы ер адам оқиға орнында көз жұмды. Екі жолаушы түрлі жарақаттармен Үштөбе қаласындағы ауруханаға жатқызылды. Тергеу жұмыстары жүргізіліп жатыр.
