Мадридтік «Реалдың» және Франция құрамасының шабуылшысы Карим Бензема «Алтын доп-2022» иеленді, деп хабарлайды Elitar.kz Sport-express.ru сайтына сілтеме жасап. 17 қазанда Парижде Францияның France Football журналының нұсқасы бойынша күнтізбелік жылдың үздік футболшысына сыйлықты табыс етудің 66-шы салтанатты рәсімі өтті.
34 жастағы футболшы өткен маусымда «Реал Мадрид» сапында Ла Лига мен Чемпиондар Лигасын жеңіп, екі жарыста да үздік бомбардир атанды.
Мадридтік клубтың құрамында футболшы 2007 жылдан бері өнер көрсетіп келеді. Жалпы ол команда сапында 421 матч өткізіп, 223 гол соққан.
Бензема осы маусымда «Реал Мадрид» сапында УЕФА Чемпиондар лигасын, Ла Лиганы, Испания Суперкубогын және УЕФА Суперкубогын жеңіп алды.
Бензема мадридтік клубқа 12-ші Алтын допты әкелді. Бұған дейін аргентиналық-испандық футболшы Альфредо Ди Стефано, француз Раймонд Копа, бразилиялық Роналду, итальяндық Фабио Каннаваро, португалиялық Луиш Фигу және Криштиану Роналду мен хорват Лука Модрич «Реал Мадрид» ойыншылары ретінде бас жеке жүлденің иегерлері атанды.
Жүлде үшін тартыста ол польшалық «Барселонаның» шабуылшысы Роберт Левандовскийді, сенегалдық «Баварияның» шабуылшысы Садио Манені және бельгиялық «Манчестер Ситидің» жартылай қорғаушысы Кевин Де Брюйнені басып озды.
«Барселонаның» 18 жастағы жартылай қорғаушысы Гави үздік жас ойыншы атанды. Роберт Левандовски жылдың үздік шабуылшысы үшін Герд Мюллер сыйлығын алды. «Барселонаның» ойыншысы Алексиа Путеллас екінші жыл қатарынан жылдың үздік футболшысы атанды. Жылдың үздік қақпашысына арналған «Лев Яшин сыйлығы» мадридтік «Реалдың» ойыншысы Тибо Куртуаға бұйырды. «Манчестер Сити» үздік клуб атанды.
2021 жылы ПСЖ-ның аргентиналық шабуылшысы Лионель Месси доптың иесі атанды. Бұған дейін аргентиналық «Алтын допты» 2009, 2010, 2011, 2012, 2015 және 2019 жылдары иеленіп, бұл көрсеткіш бойынша рекорд орнатқан. Одан кейін бес «Алтын допты» иеленген «Манчестер Юнайтед» пен Португалия құрамасының шабуылшысы Криштиану Роналду тұр.
France Football апталық басылымының бас редакторы Габриэль Ханот Алтын доптың негізін қалаған. Сыйлық алғаш рет 1956 жылы Блэкпулдың шабуылшысы Стэнли Мэттьюске берілді. 1963 жылы Лев Яшин бұл сыйлықты алған тарихтағы жалғыз қақпашы болды.
2010 жылдан бері бұл сыйлық ФИФА-мен бірлесе беріліп келеді. 2016 жылдан бері France Football марапатты бөлек табыстады, ал ФИФА жылдың үздік ойыншысы үшін өз сыйлығын белгіледі.
