Қазақстандықтар «ҚазМұнайГаз» Ұлттық компаниясы» АҚ-ның IPO-ға шығарылған 5% акциясын сатып ала алады, деп хабарлады «Самұрық-Қазына» қорының басқарма төрағасы Алмасадам Сәтқалиев брифингте, деп хабарлайды «Самұрық-Қазына» қоры.
Сондай-ақ спикер орналастыру туралы толық ақпарат қор мен ҚМГ сайттарында 9 қарашада қазақ және орыс тілдерінде жарияланатын атап өтті. Сондай-ақ ол «ҚазМұнайГаз» IPO-ның негізгі параметрлеріне тоқталды.
«Ұсыныс аясында «ҚМГ» АҚ шығарылған және орналастырылған акцияларының 90,42%-ына иелік ететін «Самұрық-Қазына» қоры 30 505 974-ке дейінгі жай акцияларды сатуға ұсынбақ, бұл шығарылған акциялардың жалпы санынан 5%-ға дейін.
Осылайша, ұсыныс жасалғаннан кейін «Самұрық-Қазына» қоры ҚМГ акцияларының кемінде 85%-ына ие болады.Ұсыныс бойынша бір жай акцияның бағасы шамамен 5,1 трлн теңге капитал құнын есептегенде 8 406 теңгені құрайды, – деп қосты Сәтқалиев.
Инвесторлардың өтінімдері 2022 жылдың 9 қарашасында басталып, институционалдық инвесторлар үшін осы жылдың 30 қарашасында, ал бөлшек инвесторлар үшін 2022 жылдың 2 желтоқсанында аяқталады. Кітаптарды жабу кезінде бөлшек инвесторларға – Қазақстан азаматтарына басымдық беріледі, осылайша халықтық IPO форматы қамтамасыз етіледі, делінген хабарламада.
