Шымкентте «Тұран-2» шағынауданындағы құрылыс алаңында жұмыс істеп жүрген жас жігіт оқиға орнында мерт болды. Бұл сәт бейнебақылау камерасына түсіп қалған. Онда көпқабатты үйдің құрылысын жүгізіп жатқан үш жігітті көруге болады. 2000 жылы дүниеге келген жігіттің үстіне бөрене құлап кеткен.
Қалалық Полиция департаментіндегілер құрылыс алаңындағы оқыс оқиға бойынша қылмыстық іс тіркелгенін хабарлады.
«Аталған фактіні Қаратау ауданының полиция басқармасы Қылмыстық кодекстің 277-бабымен “тау-кен немесе құрылыс жұмыстарын жүргiзу кезiнде қауiпсiздiк қағидаларын бұзу” тіркеп, сотқа дейінгі тергеп-тексеру әрекеттерін бастады. Қылмыстық іс бойынша сот-медициналық сараптама тағайындалды. Қазіргі таңда тергеу әрекеттері жалғасуда» делінген ведомство мәліметінде.
