Тойда көпшілік алдына шығып, бата берген бүлдіршін жұртты өзіне қаратты. Оның видеосын отандық асабалардың бірі ТікТок парақшасында бөлісті.
Той асабасы баладан ата мен әжесінің , әкесі мен анасының есімін сұрайды. Бүлдіршін мүдірместен жауап беріп, өзінің есімі Ерасыл екенін айтады. Тіпті руын да жаңылыспай айтып береді. Осы сәтте асаба жігіт «тақпақ айтасың ба?» деп сұрайды.
Бүлдіршін болса, бата беруге келгенін жеткізіп, былдырлаған тілімен бата береді. Соңында «әумин» деп бетін сипайды.
Той қонақтары балабақша жасындағы балаға риза болып, енді бірі ақша қыстырады.
Видеоны көрген желі қолданушылары да бата берген бүлдіршінге ерекше тәнті болды.
«Тәп-тәтті балапан», «Алла тіл-көзден сақтасын», «Жаным, тілінен сол», «Алтын бала ғой», «Тілі тәтті бала екен. Биіктерден көрінсін», «Тамаша», «Жарайсың» деп жазды желі қолданушылары.
