Полицияға қала тұрғыны хабарласып, белгісіз біреу оның пәтерінен 350 мың теңге тұратын «LG» маркалы теледидарын ұрлап кеткенін айтып арызданған. Жедел-іздестіру іс-шараларын жүргізу барысында ұрлық жасады деген күдікпен 37 жастағы бұрын сотты болған әйел адам ұсталды. Бұл туралы қалалық Полиция департаменті хабарлады.
Тергеу барысында күдіктінің Бейсекбаев көшесінде орналасқан үйлердің бірінде жөндеу жұмыстарын істеп жүріп, пәтердің қосымша кілтін жасатып алғаны анықталды. Содан ол үй иелерінің жоқтығын пайдаланып, жаңадан сатып алынған «LG» маркалы теледидарды ұрлап кеткен. Ал ұрланған теледидарды төмен бағамен сатып жіберген.
Қазіргі уақытта күдіктіге қатысты «ұрлық» бабы бойынша сотқа дейінгі тергеу амалдары жүргізілуде. Оның елорда аумағында осыған ұқсас басқа да қылмыстарға қатысы бар-жоқтығы тексерілуде.
