404
Шымкентте тұрақты жұмысқа кіремін деген тұрғын оңбай алданды. Жәбірленушінің айтуынша, бір жылдан бергі танысы Халыққа қызмет көрсету орталығына жұмысқа кіргізіп беремін деп уәде еткен. Ол қызметі үшін алдын ала 1 222 500 теңгесін алып, тоғыз ай бойы уәдесін орындамай, не ақшасын қайтармай алаяқтық жолмен алдап жүрген.
Аталған дерек Қылмыстық кодекстің 190-бабы 1-бөлігімен (Алаяқтық) сотқа дейінгі тергеп-тексерудің бірыңғай тізіліміне тіркелді.
Жедел-іздестіру жұмыстары нәтижесінде жергілікті жердің тұрғыны анықталды. Жасы-35-те, жұмыссыз.
Қазіргі кезде ұсталған азамат уақытша ұстау изоляторына қамауға алынды. Тергеу амалдары жүргізілуде.
