Шымкентте «Қорғау» жүйесі арқылы құқық бұзушылар анықталды.
Интеллектуалды жүйе Шымкент көшелерінде берешегі бар автокөліктерді анықтады. Мәліметке сәйкес, “Toyota Camry 40” иесі 7 млн теңге, ал “Toyota Camry 70” басқарған азамат 10 млн теңгеден астам қарызын төлеуден жалтарып жүрген деп хабарлады Шымкент қалалық ішкі істер департаменті.
Жедел басқару орталығының инспекторлары көліктерді тоқтату үшін патрульдік полицейлерді бағыттады. Жүргізушілерге берешегін өтеу қажеттігі туралы ескертіліп, көліктер айыптұраққа жеткізілді.
Айта кетейік, «Қорғау» қосымшасы нақты уақыт режимінде жалған нөмірлі, сақтандырусыз, іздеуде жүрген көліктер туралы да полицияға хабар береді. Сонымен қатар, жүйе жол қозғалысы ережелерін жиі бұзатын қауіпті жүргізушілерді анықтауға көмектеседі.
