Оқиға Алматы облысы Қарасай ауданы Проходное шатқалындағы Терра алаңында болған. Төтеншеліктерге туристер хабарласып, жасөспірімнің жардан құлап кеткенін хабарлаған.
Оқиға орнына лезде жеткен құтқарушылар, тікұшақпен 10 жасар баланы эвакуациялады.
Мамандардың айтуынша, баланың құлауы салдарынан бұғанасының жабық сынуы, бас жарақаты және көптеген дене жарақатын алған. Жасөспірімге алғашқы көмек көрсетілгеннен кейін, шұғыл ауруханаға жатқызу қажеттілігіне байланысты, тікұшақты көтеру туралы шешім қабылданған.
“Қазавиақұтқару” тікұшағы борттағы Апаттар медицинасы орталығының қызметкерлерімен бірге оқиға орнына жедел ұшып кетті.
Баланы бортқа көтеріп, Боралдай әуежайына эвакуацияланды. Ары қарай зардап шегушіні АМО автомобилі аураханаға алып кетті.
