Алматыда 7 жасар қыз азаппен қайтыс болды. Әлеуметтік желідегі ақпаратқа сүйенсек, бүлдіршінді өгей шешесі ұрып өлтірген.
Журналист Михаил Козачковтың Telegram-каналында жазуынша, жас қыздың өліміне күдікті – қоғам белсендісі Балжан Тұрлыбек.
“Қайтыс болған қыз күдіктінің күйеуінің бұрынғы некесіндегі қызы. Ер кісі қоғам белсендісінен шамамен 15 жасқа кіші.Ол аула сыпырушы” деп жазды журналист.
“Не молчи” қорының негізін қалаушы Дина Таңсәрінің Instagram парақшасында жазған мәліметінше, бүлдіршін дәретханаға үлгермей жуынатын бөлмені бүлдіргені үшін өгей шешесі аяусыз қан-жоса етіп ұрып-соққан көрінеді.
Алматы қалалық Полиция департаментінің хабарлауынша, қыздың өлімі бойынша Қылмыстық кодекстің 99-бабы 3-бөлігімен іс тіркеліп, тергеу амалдары жүргізілуде. Күдікті ретінде1976 жылғы әйел азаматы ұсталып, қамауға алынды.
