Құқық қорғау қызметкерлерінің мәліметінше, 9 қазанда сағат 13:40 шамасында Қазақстан Конституциясы-Казахстанская правда көшелерінің қиылысында тұрған «SOS» дабыл батырмасын басқан белгісіз ер азамат «102» арнасына қоңырау шалып, қаланы жарып жіберемін деп қорқытқан.
Жергілікті патрульдік полиция батальонының қызметкерлері күдікті азаматты лезде ұстап, басқармаға жеткізді. Ол Өскемен қаласының бұрын бірнеше мәрте сотталған 44 жастағы тұрғыны болып шықты.
Мамандар, қолға түскен азаматты медициналық тексеруден өткізіп, масаң күйде болғанын анықтады. Аталған факті ҚР ҚК-нің 273-бабы («Терроризм актiсi туралы көрiнеу жалған хабарлау») бойынша сотқа дейінгі тергеп-тексерулердің бірыңғай тізіліміне тіркелді. Алдағы уақытта заң аясында құқықтық баға берілетін болады.
