Нашақорлыққа және есірткі бизнесіне қарсы күрестің 2023-2025 жылдарға арналған кешенді жоспары аясында рейдтік шара жүргізіліп, ер адам қолға түсті. Одан 3 келі синтетика есірткі заты анықталды.
Нақтырақ айтар болсақ, полицейлер түнгі уақытта Абай ауданының аумағында 24 жастағы азаматтың басқаруындағы автокөлікті тоқтатты. Кинология орталығының қызметтік итінің көмегімен Toyota Camry көлігінің жүк салғышынан ішінде ақ түсті ұнтақ тәріздес заттары бар скотчпен оралған үлкен пакет табылды. Сонымен қатар жүргізушінің телефонынан есірткі құралдары жасырылған орындардың координаттары анықталды.
Нәтижесінде, сараптама қорытындысымен табылған зат, мефедрон синтетикалық есірткісі екендігі анықталды. Қазіргі таңда ұсталған азамат ҚР Қылмыстық кодекстің 297-бабы 3-бөлігімен күдікті деп танылып, қамауға алынды.
