387
Таразда Мәмбет батыр көшесі бойында орналасқан базардағы доңғалақ сататын дүңгіршек өртеніп кетті. Оқиға кеше, 12 сәуірде кешкі сағат 8-дер шамасында болған. Жамбыл облыстық Төтенше жағдайлар департаментінің мәліметінше, оқиға орнына өрт сөндіру қызметінің 15 қызметкері мен 5 техника жұмылдырылған. Өрт сағат 20:35-те толықтай сөндірілген. Қызыл жалын 60 шаршы метр аумақты шарпып үлгеріпті.
«Қаза болғандар мен зардап шеккендер жоқ. Қазіргі таңда өрттің шығу себебі мен шығыны анықталып жатыр» делінген ТЖД мәліметінде.
