236
Қазақстанда бүгінгі таңда 7 мыңға жуық тоғызқұмалақ үйірмесі жұмыс істейді. Бұл туралы Мәдениет және спорт вице-министрі Сәрсен Құранбек Орталық комунникациялақ қызметі алаңында өткен брифингте айтты.
Өз сөзінде спикер елімізде тоғызқұмалақты дамытуға ерекше назар аударылатынын алға тартты. Бүгінгі күні дене шынықтыру және спорт мектептерінде тоғызқұмалақ бөлімдері, сондай-ақ ұлттық спорт түрлері бойынша 10 клуб жұмыс істейді.
«Жалпы 136 адам ұлттық құрамаға мүше. Елімізде 6856 тоғызқұмалақ үйірмесі бар», – деді ҚР Мәдениет және спорт вице-министрі Сәрсен Құранбек.
