Денсаулық сақтау министрлігі медициналық білім беру сапасы бойынша талаптар шеңберінде еліміздің 91 медициналық колледжін мемлекеттік аттестаттаудан өткізді. Алайда оның ішінде 11 оқу орны аттестатталған жоқ.
Ведомство хабарлауынша, мемлекеттік аттестаттау кезінде денсаулық сақтау саласындағы техникалық және кәсіптік білім беру саласындағы оқу жұмыс бағдарламаларына, базалық кәсіптік модульдерді оқытуға, мемлекеттік жалпыға міндетті білім беру стандартының талаптарына, кадрлық әлеуетке, оқу-тәрбие жұмысын ұйымдастыруға және т.б. қатысты бірқатар проблемаларды анықтаған.
Денсаулық сақтау саласындағы техникалық және кәсіптік білім беру ұйымдары стандарттарының анықталған бұзушылықтары бір жылдан аспайтын мерзімде жойылуға тиіс. Министрлік заңнамада белгіленген мерзімнің шеңберінде бұзушылықтарды жою жөніндегі шаралар туралы ұсынымдар жіберді және түсіндіру жұмыстарын жүргізген
Қайта аттестаттау кезінде бұзушылықтар анықталған жағдайда, Денсаулық сақтау министрлігі денсаулық сақтау саласындағы білім беру ұйымына бару немесе білім беру қызметіне лицензияны қайтарып алу арқылы бақылау жоспарына енгізу үшін аттестаттаудан өтпеген медициналық колледждердің тізбесін Білім министрлігіне жібереді.
