203
Президент Қасым-Жомарт Тоқаев Қазақстан халқын Абай күнінмен құттықтады. Мемлекет басшысы құттықтау сөзін Twitter парақшасында жариялады.
«Баршаңызды Абай күнімен құттықтаймын! Хакім Абай – ұлт руханиятын дамытуға өлшеусіз үлес қосқан кемеңгер. Ұлағатты ұрпақ тәрбиелеу ісінде Абай өсиетінің маңызы зор. Адал азамат ұғымы ұлы ақынның «толық адам» тұжырымынан бастау алады. Біз Абай мұрасын насихаттауды жалғастыра береміз», – деп жазды Қасым-Жомарт Тоқаев.
Бүгін елімізде Абай күні атап өтіледі. Бұл айтулы күн Үкімет қаулысымен 2020 жылы қазақтың ұлы ақыны Абай Құнанбаевтың 175 жылдығында белгіленген болатын.
Бұған дейін әлемді мойындатқан отандық әнші Димаш Құдайберген Абай күніне орай жаңа челлендж бастап, оны жанкүйерлеріне жолдаған болатын.
