Шымкентте жылыту қазандықтаын ұрлап кетіп, оңай олжаға кенеліп келген қылмыстық топ мүшелері ұсталды. Қаратау ауданыдық полиция басқармасына «102» арнасы арқылы жергілікті тұрғын арызданған. Оның айтуынша, үйінде тұрған құны 250 мың теңгелік жылыту қазандығын белгісіз тұлғалар жасырын түрде ұрлап кеткен.
Тұрғынның арызы Қылмыстық кодекстің 188-бабы 1-бөлігімен (Ұрлық) сотқа дейінгі тергеп-тексерудің бірыңғай тізіліміне тіркелді. Күдікті ретінде үш азамат ұсталды. Олардың бірі – Шымкент қаласының 27 жастағы, қалған екеуі Түркістан облысының 29 және 31 жастағы тұрғындары болып шықты. Үшеуінің де тұрақты жұмыстары жоқ.
«Ұсталған үшеудің басқа да осындай 4 ұрлық жайтына қатысы бар екені анықталды. Қазіргі кезде ұрланған заттар заңды иесіне қайтарылды. Тергеу амалдары жүргізілуде» деп атап өтті Полиция департаментіндегілер.
