Шымкент қаласының әкімі Еңбекші ауданының тұрғындарымен кездесті.
Мұрат Әйтеновтің Еңбекші аудандық қоғамдық бақылау кеңесінің мүшелерімен және аудан тұрғындарымен кездесуінде 48 өзекті мәселе талқыланды.
Аталған мәселелердің 15-і орындалды, 10-ы бақылауға алынды – олар келер жылы шешімін табады. 23-і жыл соңына дейін орындалады.
Шешілген мәселелердің ішінде:
— Базарқақпа тұрғын алабында екі шақырымдық жолға орташа жөндеу жұмыстары жасалды.
– «Қаратөбе» аумағының 12 мың тұрғыны «Шаңырақ» шағын ауданында жаңадан салынған «Дария Медикус» емханасына бекітілді.
– Базарқақпа, Абдуллабад және Тұрдыабад елді мекендеріндегі 3 мың үйге 16 миллион текше метр лимит бекітіліп, оның аясында су тарту жұмыстары ұйымдастырылды.
– «Сызық ата» бейітіне апаратын жол төселді.
— Жол қиылысында орналасқан екі трансформатор қоршалып, «Оңтүстік Жарық Транзит» ЖШС-інің жеті электр бағанасы ауыстырылды.
–«Маятас» тұрғын алабының Мұнайшылар көшесі бойындағы балалар алаңына алты электр бағанасы орнатылды.
– Маятас, Елтай, Жыланбұзған, Айнатас елді мекендерінде барлығы 20 жол белгісі мен аялдама павильондары орнатылды.
– Елтай және Тоғыс елді мекендерінде 4G технологиясы бар базалық станция орнатылды.
– «Қазығұрт» шағын ауданында Елтай, Айнатас, Тоғыс, Жыланбұзған, Маятас елді мекендеріне аумақтық төлқұжаттар стендтері орнатылды.
Мұрат Әйтенов қала аумағына енген елді мекендердің инфрақұрылымдық жағдайын жақсарту басты назарда екенін атап өтті.
