Ақтөбе облысы Хромтау ауданында жеке тұрғын үй отқа оранды. Оқиға қыркүйектің 29-ынан 30-ына қараған түні орын алды. 101 қызметіне Целинная көшесіндегі жеке үйдің ауласында орналасқан жазғы үй өртеніп, қызыл жалын қоса салынған гаражға өткені туралы ақпарат келіп түскен. Өрт салдарынан гаражда тұрған «Тойота Камри» маркалы жеңіл автокөлігі толықтай өртеніп кетті. Автокөлікте газ жабдықтары қондырылған.
Қызыл жалын 02 сағат 15 минутта сөндірілді. 120 шаршы метр аумақты шарпыған өрт 02 сағат 15 минутта сөндірілді. Құтқарушылар күшімен гараж ішінен тұрмыстық газ баллоны шығарылды.
«Өрт салдарынан 4 адам термикалық күйік алып, аудандық орталық ауруханасының реанимация бөлімшесіне жатқызылды. Зардап шегушілердің жағдайлары ауыр. Өрттің шығу себебі анықталуда» деп атап өтті облыстық Төтенше жағдайлар департаментіндегілер.
