ҰБТ-да ең жоғары 139 балл жинаған үшінші түлек те грант конкурсына қатыса алмайтын болды. Өйткені оның сынақ тапсыру кезінде ереже бұзғаны анықталған.
Бұл туралы Ұлттық тестілеу орталығының директоры Руслан Емелбаев Facebook парақшасында жазды.
«Өкінішке қарай ҰБТ-2022 бейнежазбаларын қайтадан тексеру барысында ең жоғары 139 балл жинаған тестіленушінің ереже бұзғаны белгілі болды. Сәйкесінше, ның нәтижесі жойылып, грант конкурсына қатысу мүмкіндігінен айырылды. Өткен жазбаларымның бірінде 139 балл жинап, ереже бұзған 2 талапкердің нәтижесін жойғанымызды хабарлаған болатынмын. Ал бұл – тіркелген үшінші жағдай. Енді ең максималды балл – 138, оны 4 талапкер жинады» делінген жазбада.
Бұдан өзге тестілеу орталығының директоры 138 балл жинаған төрт талапкердің де нәтижелерін тексеру жұмыстары жалғасып жатқанын атап өтті.
