Мектеп оқушысына 2011 және 2008 жылы дүниеге келген жасөспірімдер қысым көрсеткен көрінеді. Бұл туралы «Не молчи» қорының негізін қалаушы, қоғам белсендісі Дина Таңсәрі желі парақшасында жазды.
11 жастағы оқушының анасы көмек сұрап, қорға жүгінген екен. Жәбірленуші тараптың мәліметінше, балаға өзінен жасы үлкен оқушылар қорлық көрсетіп, бірнеше рет сексуалдық сипаттағы әрекеттерді еркінен тыс «ойнауға» мәжбүрлеген.
«Баланың киімін, шалбарын, іш киімін шешіп, мазақ еткен. Ең сорақысы, бұл сұмдық жағдайды естіген лагерьдің аға тәрбиешісі зардап шеккен баланы олармен татуластырып, шу шығармауға көндірмек болған. Алайда оқушының ата-анасы кініләлер заң бойынша жазалануын талап етіп отыр» деп жазды Дина Таңсәрі.
Қоғам белсендісі аталған оқиға бойынша Щучинск полиция Қылмыстық кодекстің 123 бабының 2-бөлігімен іс қозғалғанын атап өтті.
