Қазір азаматтарға нақты тұрғылықты жері бойынша тіркелу қажеттігі туралы SMS-хабарламалар келіп жатыр. Мұны ІІМ 1414 сall орталығы арқылы бүгінде тұрғылықты жері бойынша тіркелмеген, яғни тіркеуден шығарылған адамдарға жіберілуде.
Мұндай SMS-ті алған азамат тұрғылықты мекенжайы бойынша тіркелуі қажет. Егер сіз хабарламаны алған кезде тіркеуді рәсімдеп қойған болсаңыз, сізге бұл туралы 1414 call орталығына хабарлаудың немесе қоңырау шалудың қажеті жоқ. Өйткені бұл — хабарлау сипатында жасалып жатқан шара.
«Тұрғылықты жері бойынша тіркелмегені үшін әкімшілік жауапкершілік қарастырылған. Тұрғындарды тіркемегені үшін тұрғын үй иелеріне де осындай жауапкершілік жүктеледі. Сондықтан, егер меншік иесі тұрғылықты жері бойынша тіркеуден бас тартса, көші-қон қызметіне хабарлауды сұраймыз», — деп хабарлады ІІМ баспасөз қызметіндегілер.
