Орал қалалық сотының үкімімен екі оралдық 7 және жылға 8 жылға сотталды. Енді олардың екеуі де 5 жыл бойы аңшылықпен айналыса алмайды. Сот кезінде бұл азаматтардың былтыр жазда киік мүйіздерін заңсыз иемденіп, сақтағаны белгілі болды. Бірақ олардың мүйізді қайдан алғаны тергеу кезінде анықталмады. Өз олжасын Ресейдің Самара қаласына апармақ болған бірі әр рейске 500 мың теңгеден төлейтінін айтып, серігін көндіріпті. Осыған уағдаласқан екі сыбайлас құрылыс материалын тасу үшін жалға алған жүк көлігінің астынан жасырын қуыс жасайды. Содан соң осы көлікке 1 169 дана киік мүйізін тиеп, Самараға жолға шыққан. Бірақ қылмыскерлер көп ұзамай полиция қолына түсті. Азаматтық талап арыз бойынша сотталғандардан мемлекет пайдасына 2 млрд 526 млн теңге өндірілді.
