Польша шекарасы арқылы Белоруссиямен айналып өткен олар Оралға бір аптада жетіпті. Жүргізушілер жат жерде қиналған кезде Қазақстан елшілігінің үлкен көмек көрсеткенін айтады. Отанына оралып көңілін демдеген олар бұрынғы кәсібін қайта жалғастырған. Ақсай қаласында жүк апарған Нұрым Садықов бірер күннен кейін Ақтауға сапар шекпек.
Нұрым Садықов жүк көлігінің жүргізушісі:
— Қазір ол жақтың шекарасы жабық. Егер «Қызыл крест» ұйымы көмекке шақырса, баруға дайынмын. Қазір сол ұйымға жүргізушілерді жинап жатыр деп естідім. Кім ұйымдастырып жатқанын білмедім. Бірақ көмегің керек десе дайынмын. Өйткені ол жақтағы жағдайды көзіммен көрдім. Сосын колоннаны қорғайтын қарулы күзет бірге ілесіп жүреді ғой. Бізге жолдан алты машина келіп қосылды. Украина шекарасында ақтөбеліктерді тонағандар табылды. Естуімше сол көліктердің иесі Белгородқа ұшып барып, жүкті іздеттіріпті. Ресейден барған орыс әскерилері тонаған деп естідік.
