226
Тиым салынған затты ел «31 аймақ» атап кеткен қауіпсіздігі орташа түзеу мекемесіне сол мекемеде кешкі мектепте сабақ беретін мұғалім өткізуге тырысқан. Бақылау-өткізу пунктінде тексеру кезінде ер адамның іш киімінің астынан скотчпен оралған түйіншек табылыпты.
«Дереу жедел-тергеу тобы шақырылды. 37 жастағы ер адам 3 телефонды қуаттағышымен қоса ішке алып кіруге оқталғаны анықталды. Мұғалім өз әрекетінің заңға қайшы екенін мойындады. Оның сөзінше, ұялы байланыс телефондарын өткізіп бергені үшін сотталғандар ақысын төлейтін болып келіскен екен, — деді Шымкент қаласы және Түркістан облысы бойынша ҚАЖ департаментінің өкілі.
Енді ер адам ҚР ӘҚБтК-нің 481-бабы бойынша әкімшілік жазаға тартылады.
