366
Түркістан облысы, Сарыағаш ауданының полицейлеріне «Жібек жолы» шекаралық бақылау бөлімшесінен хабарлама келіп түскен. Ондағылар Өзбекстан Республикасының екі азаматы Қазақстан шекарасы арқылы өтпек болғанда құжаттары күмән тудыратынын айтқан. Полицейлер дереу оқиға орнына жеткен.
«Тексеру барысында екі шетелдіктің құжаттары жалған екенін анықталды. Аталған жайт ҚР ҚК-нің 385-бабы «Жалған құжаттарды, мөртабандарды, мөрлердi, бланкілерді, мемлекеттiк пошта төлемі белгілерін, мемлекеттiк наградаларды қолдан жасау, дайындау немесе өткiзу» бойынша тіркелді. Қазіргі таңда іс құжаттары жинақталып, заңды шешім қабылдау мақсатында Сарыағаш аудандық сотына жолданды»,-деді облыстық Полиция департаментіндегілер.
