Шымкентте жол жүру ережесін өрескел бұзған азамат жауапқа тартылды. Әлеуметтік желілерде «Toyota Land Cruiser» маркалы автокөлігінің жүргізушісі жол жүру қағидаларын өрескел бұзғаны туралы бейнежазба тарады. Жазбада ер адам мемлекеттік нөмірі шешілген және рұқсатсыз жарық аспаптарымен жабдықталған автокөлікті басқарып жүргені таспаланған. Видеодан көліктің тойға шыққанын көруге болады.
Шымкент қалалық Полиция департаментінің мәліметінше, тәртіп сақшылары құқықбұзушыны анықтап, оған қатысты ӘҚБтК-нің 590-бабы «мемлекеттік тіркеу нөмірі белгілері жоқ көлiк құралын басқару” және 603-бабы «көлік құралына арнайы жарық және дыбыс сигналдарын беруге арналған құрылғыларды орнату қағидаларын бұзу» бойынша айыппұл салынды. Көлік айыппұл тұрағына қойылды.
