332
Батыс Қазақстан облысында 153 адам қаржы пирамидасының құрбаны болған. Бұл істі Қаржылық мониторинг агенттігінің облыстық департаменті тергеген.
«ҚМА БҚО бойынша департаменті жеке тұлғалардан қаражатты тарта отырып, «Нұр жиһаз» онлайн жобасында жиһаз ойнату арқылы міндетті түрде жаңа салымшыларды тарту шартымен қаржылық пирамидасын ұйымдастырған азаматшаға қатысты қылмыстық істі аяқтады. Тергеу барысында 7,5 млн теңгеден аса мүліктік залал келтірілген 153 азамат анықталды» делінген агенттік мәліметінде.
Сот үкімімен сотталушы кінәлі деп танылып, 5 жыл мерзімге бас бостандығынан айыру түріндегі жаза арқалады. Ол 7 жыл бойы қаржылық және коммерциялық ұйымдардағы басшылық лауазымдарды атқару құқығынан айырылды.
