117
Оқиға, Ақтау қаласында көпқабатты үйдің ауласында орын алған. Жасөспірімнің денесін 30%-ын күйік шалып, жансақтау бөліміне ауыр жағдайда жеткізілген.
Маңғыстау облыстық көпсалалы балалар ауруханасының өкілдері баланың денесінің төменгі бөлігін күйік шалғанын мәлімдеді.
«2014 жылы туған баланың сан және балтыр бөліктері екінші және үшінші дәрежеде күйіп қалған. Денесінің 30 пайызы зақымданған. Күйіктің ауырлығына байланысты баланың жағдайы ауыр. Дәрігерлер тексеріп, күйік жарасына хирургиялық өңдеу жүргізді. Есін біледі, жүрек соғысы мен тыныс алуы қалыпты», – деп мәлімдеді аурухананың баспасөз қызметі.
Аталған факті бойынша қылмыстық іс қозғалып, тергеу амалдары жүргізілуде.
