«ҚазТрансГазАймақ» АҚ-ның Шымкент өндірістік филиалындағылар шаһардағы бірқатар тұрғын алапта көгілдір отын уақытша өшірілетінін ескертеді. Мамандардың хабарлауынша, Шымкент қаласының жолаушылар көлігі және автомобиль жолдары басқармасы тарапынан «Алаш» базарының аумағында жаяу жүргіншілердің жерасты өткелінің құрылысын бастау мақсатында газ құбырының орнын ауыстыру жұмыстары өткізіледі. Осыған орай 27 сәуір күні Жаңаталап, Игілік, Қызылжар тұрғын алаптары мен Қызылжар мөлтек ауданында газбен жабдықтау уақытша тоқталылады.
«Сіздерден келтірген ыңғайсыздық үшін алдын ала кешірім сұраймыз. Қосымша сұрақтар бойынша 8771-949-92-60, 39-48-54, 99-80-33, 39-74-81 нөмірлеріне хабарласуыңызға болады» делінген «ҚазТрансГазАймақ» АҚ-ның Шымкент өндірістік филиалы таратқан хабарламада.
