564
Шымкентте бір қабатты қойма өртеніп кетті. Оқиға бүгін, 29 тамызда күндізгі уақытта болған.
“101” диспетчерлік қызметіне сағат 15-14-те Әйтеке би көшесіндегі қойма үй-жайының жануы туралы хабарлама келіп түскен. Өрт алаңы 150 шаршы метрді құрады. Оқиға орнына жеке құрамның 64 адамы және 16 өрт сөндіру техникасы, Апаттар медицинасы орталығы филиалының 1 бригадасы, жедел медициналық жәрдем бригадасы тартылды.
Қайтыс болғандар мен зардап шеккендер жоқ. Материалдық залалдың мөлшері мен өрттің шығу себебі анықталып жатыр.
