393
Шымкентте бір қабатты қоймада өрт шықты. Оқиға кеше, 21 мамырда Ломносов көшесі бойында болған.
Төтеншеліктердің мәліметінше, жалпы аумағы 2400 шаршы метрді құрайтын қойманың шатыры жанып кеткен. Қызыл жалын 280 шаршы метрді аумақты шарпыған.
Өртті сөндіруге жеке құрамның 50 қызметкері және 11 техникасы мен Апаттар медицинасы орталығы филиалының 4 қызметкері жұмылдырылды. Өртті сөндіру барысында құтқарушылар 1983 жылы туған ер адамға алғашқы медициналық көмек көрсетті. Оның сол қолының 6% күйік шалған. Өрттің себебі анықталуда.
